Karye shinge da cike gibi.

Cibiyar Engausa hub ta kawo wani irin canji mai amfani, kuma mun shaida irin karuwar damarmaki ga matasa har ma da gajiyayyu, marasa hali, ko almajirai. Mun ji labarin nasarorin da Almajirai suka samu na zama masu gyaran wayar hannu, masu sarrafawa da shirya manhajar computer da sauran abubuwan da ba za a yi tsammani ba a kasar nan. A matsayina na mai haɓaka harkokin kasuwanci a cikin aikin gona, ina alfahari da nasarar da cibiyar Engausa ke sami, kuma muna fatan haɗin gwiwa da cibiyar, tare domin shigo da tsarin cikin aikin noma. Engausa Hub wata kofa ce ta buɗaɗɗiyar dama ga matasa, waɗanda aka zalunta da sauran jama'a masu neman mafita a rayuwa.

Dr Bashir G. Muktar

Dean Faculty of Agriculture and Agriprenuerial promoter FUD

Na dade ina jin labarin ENGAUSA GLOBAL TECH HUB kafin haduwata da shugabanta a wani lokaci a watan Maris, 2022 a lokacin wani lacca mai taken Startup Jigawa wanda wasu matasa kwararrun IT na jihar Jigawa suka shirya. Na san Engr Mustapha Habu Ringim da kuma iyawar sa a ICT na tsawon lokaci, don haka ban yi mamakin irin nasarorin da cibiyar ta samu ba a fannin bunkasa fasahar ICT ga matasan mu masu tasowa a wannan yanki na kasar nan. Na yi imanin koyar da matasanmu da harsunanmu na asali zai taimaka sosai wajen ci gaban al’ummarmu kamar yadda ake samu a kasashe da dama da suka ci gaba kamar China, Rasha, Gernany da sauransu, ina fata shugabannin siyasarmu musamman na jihohin Hausawa za su yi hadin gwiwa da wannan. Cibiyar horar da matasa da dama daga jihohinsu yadda ya kamata domin rage yawan matsalar rashin aikin yi da matasa ke fuskanta a cikin al’ummarmu ta yadda za a magance matsalar rashin tsaro da sauran miyagun laifuka.

Professor Ahmed Baita Garko

Department of Computer Science FUD

Ban yi mamakin yadda Engausa Global Tech Hub (EGTH) ke ta samun cigaba ba, domin akwai ma'aikata masu da'a da mai da hankali wadanda suka kasance masu himma wajen inganta Ilimin fasaha ga kowa da kowa musamman bangaren STEM Education. Shugaban wannan cibiya ya gano cewa yin amfani da harshen uwa ya kasance hanya mafi inganci wajen koyo da koyarwa, musamman na Ilimin kimiyya da fasaha. Samar da guraben koyon sana’oin zamani shine kashin bayan cigaban kowacce alumma. Kuma na fahimci cewa wannan na daga cikin burin cibiyar ENGAUSA HUB, domin na ga cibiyar ta tashi tsaye wajen cimma hakan a matsayin daya daga cikin manufofin ta. Wannan cibiya, itace irin ta farko da ke samun habaka cikin sauri. Na tabbata nan ba da dadewa ba, EGTH za ta daukaka. Ina mai fatan Allah ya taimake ku cikin dukkan abubuwan da kuka sanya a gaba.

Engr Dr Binta Usman

Department Of Electrical Engineering BUK

Muna godiya ga Allah madaukakin sarki daya kawomana mutane irinsu Engr. Mustapha Habu Ringim. Ni ganau ce kan irin gagarumin ci gaban da Engausa Hub ya samu wajen inganta ilimin zamani da na’ura mai kwakwalwa a harshen Hausa. Babban manufar Engausa Hub shine horar da matasan mu musamman masu karancin gata wajen samun fasaha da karfafawa. Nasarar da Kamfanin ya samu babbar nasara ce, kuma hakan ya nuna cewa za mu ci gaba ne kawai idan muka horar da matasanmu kan sana'oin dogaro da kai. Hanya mafi sauƙi don yin hakan ita ce ta hanyar gabatar da dabarun kimiyya da fasaha ga alummarmu. Ina fatan ganin ƙarin rassa na Engausa Hub a duk faɗin ƙasar.

Dr. Hauwa Muhammad Bugaje

Department of African Languages and Cultures ABU, Zaria

Kimiyyar da fasaha ta zamani tana goyan bayan shirin ENGAUSA. A ra'ayina, hanya ce ta kamata Najeriya da duk Afirka su bi. Amfanin zai zama abin ban mamaki, kuma ci gaban ƙasa zai kasance mai dorewa. Lallai kun kama hanya mai kewaye da nasara. Da fatan za a ci gaba.

INYE KEMABONTA

ICT Attorney, a public speaker